قلب ينزف
10-23-2009, 10:00 AM
السلام عليكم ورحمة الله وبركاته
بد مش عارفة ابدأ ازاى أو أقول ايه بس مهما حكيت محدش هيحس بيا ولا بأى كلمة هقولها الا اذا كانت واحدة فى نفس موقفى وجربت الخيانة من جوزها لا ومش أى خيانة ومش أى زوج وهى مش أى ست انا بجد مش مغرورة انا بس واثقة من نفسى الحمد لله انا على قدر كبييييييييييير من الجمال والحمد لله ومن عيلة كبيرة ام واب والحمد لله على أعلى مستوى من الآدب والأخلاقبعامل جوزى بكل حب وصداقة وعشق بالمختصر براعى ربنا فيه لدرجة انه لما كنا بنزعل وممكن يكون هو الغلطان مكنتش بنام واحنا زعلانين لأنى باختصار كنت بخاف من ربنا عمرى ماخبيت عليه حاجة فى الدنيا مهما كانت مش هحكى على قبل الجواز واننا مرتبطين بعد قصة حب وبد مشاكل وصراعات من الظروف والدنيا ومش هحكى انا وقفت جنبه اد ايه بس انا هختصر وهجيب من الآخر احنا فى الفترة الآخير بعدنا عن بعض شوية بسبب ظروف شغله بعدنا فى لمكان فقط
وبعدين فجأة ومن غير أى مقدمات بدأت رسايله تقل وتكاد تكون اتمنعت حتى رنة الموبيل مابقاش يفتكرها ولابيكلمنى الا نادرا حتى النت ممكن ابعتله يقابلنى ومكنش بيواافق وفاجأة جانى احساس انه بيخونى من غير سبب معين ومش عارفة انا ليه حسيت كده وفوجئت بكل اللى حولنا بيكلمونى فى نفس الموضوع جوزك متغير ليه مع العلم ان الكل ده من اهله واهلى والمعارف المشتركة وكلمته فى احساسى ده اكتر من مرة وطلبت منه ان لو فى حاجة يكلمنى بصراحة ومفيش مشكلة لو كان غلط فى حقى ممكن اغفر او اسامحه لكن لو عرفت من حد او عرفت بنفسى عمرى ماهسامحه كان طبعا بيزعل وفين الثقة اللى كانت بينا وانتى ازاى تفكرى كده انا عمرى ماحبي ولا هحب غيرك حتى لو حسيت فى يوم من الأيام انى ضعفت اودام حد هتلاقينى اودامك وكمان مش هخبى عليكى بصراحة صدقته بعقلى وكلامه كان مقنع جدا بس الاحساس لسه جوايا وماتغيرش المهم بعد الحاح منى وحكم الظروف شائت الأقدار اننا نرجع تانى مع بعض وبرده رجعت وكلمته تانى عن احساسى وطلبت منه انه يحكيلى ويصارحنى لو فى اى حاجة ودايما كالعادة كان بينكر مع ان جوزى ده مش هقدر اوصفلكم لو حكيت الكلام ده لأى حد يعرفوا هيكدبونى من ادبه واخلاقه والتزامه المهم بعد ماحصل ورجعنا يادوب هما 10 أيام وبالصدفة بكلمه اتنرفز عليا وزعقلى مع ان ده عمره ماحصل وسيبته ومشيت وزعلت طبعا بس قعدت كده وجاية بشغل النغمات اللى على موبيله لأنه مكنش معاه رصيد وبيكلم السوبر ماركت من موبيلى سبحان الله بدل ما أشغل النغمات شغلت الرسايل ومن غير قصد تجسس والله العظيم بفتح الرسايل المرسلة لاقيت اسم واحدة معاه فى الشغل انا واخدة الموضوع عادى وعارفة ان معاه بنات ومعاهم ارقامه وهو كمان وممكن بيراسلوا بعض بخصوص الشغل من الميل او الموبيل عادى بس سبحان الله لاقيتنى بفتح الرسالة ولاقيت الصدمة بجد كل كلمة كنت بقراها كانت كأنها سكاكين بتتغرز فى كل حتة فى جسمى وبعدين هديت ومسكت نفسى واخدت الموبيل وروحتله وقولتله اومال ايه الرسالة دى يافلان وبكل هدوء ومبتسمة كمان فا قالى رسالة ايه قولتله خد شوفها ومسك الموبيل وقاراها وطبعا انا مركزة فى رد فعله ايه وكمان انا عينى مدمعة بس حاولت مانزلشى ولا دمعة وتماسكت الى آخر لحظة وسكت طبعا كده شوية وبعدين قفل الموبيل وقالى طبعا انتى دماغك هتروح لبعيد وهتفهمى غلط انا كمان سكت شوية وطبعا هو ما اتكلمشى وكل ده بيأكدلى اللى انا فهمته انا كمان مش قادرة اقولكم الكلام اللى كان كاتبه فى الرالة المشكلة انه بيقولى زيه ولما بيبعتلى بيبعت زيه برده وبعد فترة مش كبيرة قولتله طلقنى طبعا اتصدم واتفاجئ بكلامى وسيبته وقومت اجهز شنطتى وهو قالى هتعملى ايه يامجنونة اعقلى دى مش رسالتى ده واحد معايا فى الشغل هو اللى باعتها وانتى عارفة ان دى معايا فى اليم بتاعى كمان اللى اكدلى كذبه انه ماقالشى على اسم اللى باعت الرسالة وبعد لما سألته قالى على اسم واحد من اللى كان ساكن معاهم وقولتله ازاى يبعت كلام زى ده من موبيلك لواحدة معاك فى التيم اكيد طبعا هتفتكر انها منك انت مش كان يكتب اسمه فيها قالى لا هى عارفه هو كان بيعملها كتير اصله مش معاه رصيد وجه قالى معلش محتاج ابعت رسالة الوقتى ضرورى وبعتها مع انى قولتله يمسحها ولو عايزانى اجيبهولك كمان دلوقتى اجيبه قولتله طبعا رد مكنش يتوقعه لأنه عارف انى عاقلة قولته اه هاته دلوقتى هو وهى عشان اتأكد قالى انتى بتهزرى ازاى انتى عايزة سيرتنا تبقى على كل لسان بكرة فى الشغل ولا ايه ويقولوا انى مراتى بتشك فيا طبعا مش هامه غير نفسه المهم بعد قعدات طويلة طوال الليل امبارح وطلب منى اننا نخرج سوا بعيد عن الشيطان اللى موجود هنا ورفضت ورفضت انى انام جنبه وصل الحال لدرجة انه بكى اودامى زى الأطفال والله قربت انى اصدقه من كتر الكلام اللى قالهولى وانه بيحبنى وعمره ماحب غيرى ومش ممكن يعمل كده معايا وانه عمل حاجات كتير عشان وحاول بشتى الطرق يقنعنى بس انا كنت مباينه له انى واثقة لدرجة انى حلفتله انها رسالته وانه هو اللى باعتها وانى واثقة وبرده كذبنى لغاية لما صحينى النهارده وبيحاول انه يتعامل معى عادى بس انا لأ طبعا قالى اعملى حسابك هاجى من الشغل ونخرج سوا قولتله لا انت تيجى من الشغل تجيبلى التيكت بتاعتى عشان اروح لأهلى عشان معتش لينا عيشة مع بعض وكانت الصدمة الكبرى انا كل ده وكان عندى امل انى اكون غلطانة وانه يكون مظلوم بس للأسف لسه يادوب واصل الشغل ولاقيته بيكلمنى وبيعتذر وبيقولى انا بس عايزك ماتقفليش الباب فى وشى وتدينى فرصة احكيلك على كل حاجة قولتله هى حاجة واحدة اللى هديك فرصة تقولها الرسالة دى بتاعتك ولا لأ قالى بس انا عايز احكيلك على الموضوع والله كنت لسه هحكيلك امبارح بس مكنش ينفع احكيلك فى الحالة دى كان لازم اهديكى الأول طبعا فضلت بكلمه بكل تماسك وقالى انه هيكلمنى تانى بس انا قفلت الموبيل عشان معتش عايزة اكلمه وآل ايه عايز يحكيلى وعايزنى اسامحه وانا مش متخيلة اصلا انه يخونى ولو حتى برسايل او مجرد كلام مع حد يمكن لو كنت على علم منه من الأول كنت هاخد الموضوع عادى زى ماهو قالى النهارده غلطة وعايزنى اغفر هاله بس انا زى ما قولتله اديته فرص كتير وهو رفضها انا بجد مش قادرة اقولكم انا مجروحة ازاى ولدرجة ايه وفى الوقت نفسه مش عارفة اعمل ايه وايه اللى هايحصل لما يرجع من الشغل خصوصا انى واثقة الوقتى انه معاها هناك ممكن يكون محافظ على شكله اودام الناس بس هو معاها ارجوكم انقذونى وردوا عليا بسرعة وآسفة جدا طولت فى حكايتى مع انى والله مختصرة تفاصيل كتير بس سابقة للحادثة انا على فكرة لسه اول مرة لى فى هذا المنتدى ومسجلة مخصوص عشان محتاجة الاستشارة دى ضرورى لدرجة انى اساسا مكسوفة احكى او اتكلم مع اى شخص او اى صديقة لأنى كرامتى مش سامحالى بده يارب الاقى معاكم علاج لجرحى
ارجوكم محتاجة نصيحة عاقلة وياريت لو حد متخصص يجاوبنى
بد مش عارفة ابدأ ازاى أو أقول ايه بس مهما حكيت محدش هيحس بيا ولا بأى كلمة هقولها الا اذا كانت واحدة فى نفس موقفى وجربت الخيانة من جوزها لا ومش أى خيانة ومش أى زوج وهى مش أى ست انا بجد مش مغرورة انا بس واثقة من نفسى الحمد لله انا على قدر كبييييييييييير من الجمال والحمد لله ومن عيلة كبيرة ام واب والحمد لله على أعلى مستوى من الآدب والأخلاقبعامل جوزى بكل حب وصداقة وعشق بالمختصر براعى ربنا فيه لدرجة انه لما كنا بنزعل وممكن يكون هو الغلطان مكنتش بنام واحنا زعلانين لأنى باختصار كنت بخاف من ربنا عمرى ماخبيت عليه حاجة فى الدنيا مهما كانت مش هحكى على قبل الجواز واننا مرتبطين بعد قصة حب وبد مشاكل وصراعات من الظروف والدنيا ومش هحكى انا وقفت جنبه اد ايه بس انا هختصر وهجيب من الآخر احنا فى الفترة الآخير بعدنا عن بعض شوية بسبب ظروف شغله بعدنا فى لمكان فقط
وبعدين فجأة ومن غير أى مقدمات بدأت رسايله تقل وتكاد تكون اتمنعت حتى رنة الموبيل مابقاش يفتكرها ولابيكلمنى الا نادرا حتى النت ممكن ابعتله يقابلنى ومكنش بيواافق وفاجأة جانى احساس انه بيخونى من غير سبب معين ومش عارفة انا ليه حسيت كده وفوجئت بكل اللى حولنا بيكلمونى فى نفس الموضوع جوزك متغير ليه مع العلم ان الكل ده من اهله واهلى والمعارف المشتركة وكلمته فى احساسى ده اكتر من مرة وطلبت منه ان لو فى حاجة يكلمنى بصراحة ومفيش مشكلة لو كان غلط فى حقى ممكن اغفر او اسامحه لكن لو عرفت من حد او عرفت بنفسى عمرى ماهسامحه كان طبعا بيزعل وفين الثقة اللى كانت بينا وانتى ازاى تفكرى كده انا عمرى ماحبي ولا هحب غيرك حتى لو حسيت فى يوم من الأيام انى ضعفت اودام حد هتلاقينى اودامك وكمان مش هخبى عليكى بصراحة صدقته بعقلى وكلامه كان مقنع جدا بس الاحساس لسه جوايا وماتغيرش المهم بعد الحاح منى وحكم الظروف شائت الأقدار اننا نرجع تانى مع بعض وبرده رجعت وكلمته تانى عن احساسى وطلبت منه انه يحكيلى ويصارحنى لو فى اى حاجة ودايما كالعادة كان بينكر مع ان جوزى ده مش هقدر اوصفلكم لو حكيت الكلام ده لأى حد يعرفوا هيكدبونى من ادبه واخلاقه والتزامه المهم بعد ماحصل ورجعنا يادوب هما 10 أيام وبالصدفة بكلمه اتنرفز عليا وزعقلى مع ان ده عمره ماحصل وسيبته ومشيت وزعلت طبعا بس قعدت كده وجاية بشغل النغمات اللى على موبيله لأنه مكنش معاه رصيد وبيكلم السوبر ماركت من موبيلى سبحان الله بدل ما أشغل النغمات شغلت الرسايل ومن غير قصد تجسس والله العظيم بفتح الرسايل المرسلة لاقيت اسم واحدة معاه فى الشغل انا واخدة الموضوع عادى وعارفة ان معاه بنات ومعاهم ارقامه وهو كمان وممكن بيراسلوا بعض بخصوص الشغل من الميل او الموبيل عادى بس سبحان الله لاقيتنى بفتح الرسالة ولاقيت الصدمة بجد كل كلمة كنت بقراها كانت كأنها سكاكين بتتغرز فى كل حتة فى جسمى وبعدين هديت ومسكت نفسى واخدت الموبيل وروحتله وقولتله اومال ايه الرسالة دى يافلان وبكل هدوء ومبتسمة كمان فا قالى رسالة ايه قولتله خد شوفها ومسك الموبيل وقاراها وطبعا انا مركزة فى رد فعله ايه وكمان انا عينى مدمعة بس حاولت مانزلشى ولا دمعة وتماسكت الى آخر لحظة وسكت طبعا كده شوية وبعدين قفل الموبيل وقالى طبعا انتى دماغك هتروح لبعيد وهتفهمى غلط انا كمان سكت شوية وطبعا هو ما اتكلمشى وكل ده بيأكدلى اللى انا فهمته انا كمان مش قادرة اقولكم الكلام اللى كان كاتبه فى الرالة المشكلة انه بيقولى زيه ولما بيبعتلى بيبعت زيه برده وبعد فترة مش كبيرة قولتله طلقنى طبعا اتصدم واتفاجئ بكلامى وسيبته وقومت اجهز شنطتى وهو قالى هتعملى ايه يامجنونة اعقلى دى مش رسالتى ده واحد معايا فى الشغل هو اللى باعتها وانتى عارفة ان دى معايا فى اليم بتاعى كمان اللى اكدلى كذبه انه ماقالشى على اسم اللى باعت الرسالة وبعد لما سألته قالى على اسم واحد من اللى كان ساكن معاهم وقولتله ازاى يبعت كلام زى ده من موبيلك لواحدة معاك فى التيم اكيد طبعا هتفتكر انها منك انت مش كان يكتب اسمه فيها قالى لا هى عارفه هو كان بيعملها كتير اصله مش معاه رصيد وجه قالى معلش محتاج ابعت رسالة الوقتى ضرورى وبعتها مع انى قولتله يمسحها ولو عايزانى اجيبهولك كمان دلوقتى اجيبه قولتله طبعا رد مكنش يتوقعه لأنه عارف انى عاقلة قولته اه هاته دلوقتى هو وهى عشان اتأكد قالى انتى بتهزرى ازاى انتى عايزة سيرتنا تبقى على كل لسان بكرة فى الشغل ولا ايه ويقولوا انى مراتى بتشك فيا طبعا مش هامه غير نفسه المهم بعد قعدات طويلة طوال الليل امبارح وطلب منى اننا نخرج سوا بعيد عن الشيطان اللى موجود هنا ورفضت ورفضت انى انام جنبه وصل الحال لدرجة انه بكى اودامى زى الأطفال والله قربت انى اصدقه من كتر الكلام اللى قالهولى وانه بيحبنى وعمره ماحب غيرى ومش ممكن يعمل كده معايا وانه عمل حاجات كتير عشان وحاول بشتى الطرق يقنعنى بس انا كنت مباينه له انى واثقة لدرجة انى حلفتله انها رسالته وانه هو اللى باعتها وانى واثقة وبرده كذبنى لغاية لما صحينى النهارده وبيحاول انه يتعامل معى عادى بس انا لأ طبعا قالى اعملى حسابك هاجى من الشغل ونخرج سوا قولتله لا انت تيجى من الشغل تجيبلى التيكت بتاعتى عشان اروح لأهلى عشان معتش لينا عيشة مع بعض وكانت الصدمة الكبرى انا كل ده وكان عندى امل انى اكون غلطانة وانه يكون مظلوم بس للأسف لسه يادوب واصل الشغل ولاقيته بيكلمنى وبيعتذر وبيقولى انا بس عايزك ماتقفليش الباب فى وشى وتدينى فرصة احكيلك على كل حاجة قولتله هى حاجة واحدة اللى هديك فرصة تقولها الرسالة دى بتاعتك ولا لأ قالى بس انا عايز احكيلك على الموضوع والله كنت لسه هحكيلك امبارح بس مكنش ينفع احكيلك فى الحالة دى كان لازم اهديكى الأول طبعا فضلت بكلمه بكل تماسك وقالى انه هيكلمنى تانى بس انا قفلت الموبيل عشان معتش عايزة اكلمه وآل ايه عايز يحكيلى وعايزنى اسامحه وانا مش متخيلة اصلا انه يخونى ولو حتى برسايل او مجرد كلام مع حد يمكن لو كنت على علم منه من الأول كنت هاخد الموضوع عادى زى ماهو قالى النهارده غلطة وعايزنى اغفر هاله بس انا زى ما قولتله اديته فرص كتير وهو رفضها انا بجد مش قادرة اقولكم انا مجروحة ازاى ولدرجة ايه وفى الوقت نفسه مش عارفة اعمل ايه وايه اللى هايحصل لما يرجع من الشغل خصوصا انى واثقة الوقتى انه معاها هناك ممكن يكون محافظ على شكله اودام الناس بس هو معاها ارجوكم انقذونى وردوا عليا بسرعة وآسفة جدا طولت فى حكايتى مع انى والله مختصرة تفاصيل كتير بس سابقة للحادثة انا على فكرة لسه اول مرة لى فى هذا المنتدى ومسجلة مخصوص عشان محتاجة الاستشارة دى ضرورى لدرجة انى اساسا مكسوفة احكى او اتكلم مع اى شخص او اى صديقة لأنى كرامتى مش سامحالى بده يارب الاقى معاكم علاج لجرحى
ارجوكم محتاجة نصيحة عاقلة وياريت لو حد متخصص يجاوبنى